#xotira_kechasi_M_Jiyemuratov_80_yilligi

Joriy yilning 25-aprelida Berdaq nomidagi Qoraqalpoq davlat akademik musiqali teatrida taniqli kompozitor, pedagog Marxabay Jiyemuratovning 80 yilligiga bag‘ishlangan xotira kechasi bo‘lib o‘tdi. Tadbirda bir qator jamoat arboblari, taniqli kompozitorlar ishtirok etdilar. Kompozitor M.Jiyemuratov Qoraqalpog‘iston Respublikasi Jo‘qorg‘i Kengesi tomonidan "Qoraqalpog‘iston Respublikasi san'at arbobi" unvoni bilan taqdirlanib, mukofot uning turmush o‘rtog‘iga topshirildi. Tadbirda kompozitorning "Umitpa", "Sen suliw", "Qaraqalpaqstanim", "Aydinlar" va boshqa asarlari ijro etildi. Shuningdek, uyushmaning Yoshlar bilan ishlash bo‘limi mutaxassisi, musiqashunos Gulmaryam Kamalova M.Jiyemuratov hayoti va ijodi to‘g‘risida qisqacha ma'lumot berdi.