Жорий йилнинг 28 апрелида Қарши шаҳар 1-сонли Болалар мусиқа ва санъат мактабида Ўзбекистон халқ артисти, Давлат мукофотлари совриндори, композитор Сулаймон Юдаков таваллудининг 105 йиллигига бағишланган хотира кечаси бўлиб ўтди. Тадбир Ўзбекистон композиторлари ва бастакорлари уюшмаси Қашқадарё вилоят бўлими, Қарши ихтисослаштирилган санъат мактаби ҳамда Қарши шаҳар
1-сонли Болалар мусиқа ва санъат мактаби ҳамкорлигида ташкил этилиб, унда мусиқа ва санъат мактаби ўқитувчилари ва ўқувчилари томонидан композиторнинг ҳаёти ва ижоди қисқача ёритилди ҳамда асарларидан концерт дастури намойиш этилди.