#tanlov

Bugun, 18-noyabr kuni O‘zbekiston kompozitorlari va bastakorlari uyushmasida O‘zbekiston Respublikasi Madaniyat vazirligi, O‘zbekiston milliy teleradiokompaniyasi, O‘zbekiston milliy axborot agentligi, O‘zbek milliy maqom san’ati markazi hamkorligida Bastakorlar o‘rtasida “Maqom yo‘llarida yaratilgan eng yaxshi asar” IV Respublika tanlovi g‘oliblarini taqdirlash marosimi va gala-konsert bo‘lib o‘tdi.

Tanlov natijasiga ko‘ra quyidagi ijodkorlar faxrli o‘rinlarga sazovor bo‘ldilar:

I o‘rin - Eshpo‘lat Ortiqov "Mo‘g‘ulchai fig‘on" asari uchun;

II o‘rin - Erkin Qaytarov "Samarqand soqiynomasi" asari uchun;

           - Hasan Jo‘rayev "Muhammasi oshiqon" asari uchun;

III o‘rin - Abduqahhor Jalilov "Emasmu" asari uchun;

            - Zarif Mahmadaliyev "Dildor emush" asari uchun.

Barcha g‘oliblar pul mukofoti, diplom va statuetka bilan taqdirlandilar.